Naganap ang training tungkol sa Media Training noong July 1, 2022. May 40 na bagong leaders mula sa NCR ang lumahok sa Quezon City upang matuto sa paggamit ng media, lalo na ang social media, sa pagsulong ng mga adbokasiya ng SNPP, kung paano hawakan ang disimpormasyon at fake news, at sa pagpapadaloy ng mga talakayan sa kanilang mga komunidad.

Patuloy pa ring nakikipag-ugnayan ang SNPP sa National Program Management Office (NPMO) at ng Pantawid at mga regional office sa DSWD. Nakipag-ugnayan ang SNPP sa DSWD at dumalo sa ilang mga pagpupulong upang talakayin ang isyu ng pag-delist ng tukoy na 1.3 milyong benepisyaryo sa programa.

Nagsagawa ang SNPP ng sariling house-to-house validation para sa mga benepisyaryong naka-tag bilang non-poor at nakatalgang mag-exit sa programa. Nakapagkalap ng sumusunod na datos ang SNPP: 2,331 benepisyaryong inirerekomenda ng SNPP na mag-appeal na manatili sa programa; 342 benepisyaryong nagboluntaryo o inirerekomenda ng SNPP na mag-exit na sa programa; at 832 na miyembrong inirerekomenda ng SNPP na maging benepisyaryo ng programa.

Sa pamamagitan ng nakalap na datos at naidokumentong kaso, naiangat ng samahan ang mga isyu at paglilinaw tungkol sa programa ng Pantawid. Patuloy pa ring iniaangat ng samahan sa mga kinaukulang ahensya ang mga benepisyaryong nagkaroon ng problema sa pagtanggap ng grant.

Alinsunod sa mga pangkalusugan at pangkaligtasang patakaran dahil sa pandemya, nagpatuloy pa rin ang mga townhall meetings o pulong bahay talakayin ang human rights, mga isyung nasyonal, at mga concerns tungkol sa programang 4Ps. May kabuuang 6,317 na participants ang dumalo mula Hulyo hanggang Septembre 2022. Nagsimula na rin ang bawat area sa kani-kanilang planning session upang talakayin ang mga isyu at concerns ng mga miyembro ng samahan at 4Ps beneficiaries. Kasama sa pagpaplano ang pagtutukoy ng mga susunod na hakbang at direkson ng SNPP bilang samahan.

Kasalukuyang may kabuuang 46,435 na indibidwal ang dumalo sa mga pulong bahay tungkol sa social, health, political at pang-ekonomiyang mga isyu. Ang mga pagpupulong ay naisagawa sa pamamagitan ng mga pulong bahay. Mayroon nang 651 community human rights advocates ang SNPP.

Alinsunod sa mga pangkalusugan at pangkaligtasang patakaran dahil sa pandemya, nagpatuloy pa rin ang mga townhall meetings o pulong bahay talakayin ang human rights, voters education, at mga concerns tungkol sa programang 4Ps. May kabuuang 7,889 na participants ang dumalo mula Abril hanggang Hunyo 2022. Nagsimula na rin ang bawat area sa kani-kanilang planning session upang talakayin ang mga isyu at concerns ng mga miyembro ng samahan at 4Ps beneficiaries. Kasama sa pagpaplano ang pagtutukoy ng mga susunod na hakbang at direkson ng SNPP bilang samahan at ang pagbubuo ng youth arm ng SNPP.

Kasalukuyang may kabuuang 46,245 na indibidwal ang dumalo sa mga pulong bahay tungkol sa social, health, political at pang-ekonomiyang mga isyu. Ang mga pagpupulong ay naisagawa sa pamamagitan ng mga pulong bahay. Mayroon nang 676 community human rights advocates ang SNPP.

Naganap ang training tungkol sa Advanced Leadership noong June 2, 2022. May 40 na bagong leaders mula sa NCR, North Luzon at South Luzon ang lumahok sa Quezon City upang matuto kung paano maging epektibong pinuno, mga istilo at kakayahang sa pakikipag-ugnayan, at pananatili ng mabuting dynamics at relasyon sa samahan at sa kanilang komunidad.

Nagkaroon ng training tungkol sa Basic Human Rights o HR 101 noong June 28, 2022. May 40 na bagong leaders mula sa iba’t ibang SNPP areas ang lumahok sa Quezon City. Namuno at nagpadaloy ng pagsasanay ang IDEALS tungkol sa pagpapalalim ng kaalaman sa karapatang pantao, sa batas at paano mag-document ng human rights violations na magagamit sa kanilang mga komunidad.

Nakipag-ugnayan ang SNPP sa Aral Pilipinas para sa pag-aaral tungkol sa pagpapatuloy ng pag-aaral ng kabataan sa kabila ng pandemya. Isang online survey ang isinagawa na nagkalap ng 9,716 na responses mula sa Metro Manila, Rizal, at Cebu noong October 30 hanggang November 16 2020. Tagumpay na nakakalap ng datos ang pag-aaral mula sa karanasan ng mga magulang sa distance learning at naiangat sa mga kaukulang ahensya.

Noong July 2021, nagsagawa ulit ng ikalawang round ng survey ang SNPP gamit ang paper questionnaire at FB messenger, para kumustahin at makakuha ng sapat na datos mula sa perspektibo ng mga magulang ukol sa remote learning, lalo sa module at online, ngayon pandemya. Nakakalap ng 4,783 na tugon mula sa iba’t ibang panig ng bansa.

Bilang pagsulong sa mga rekomendasyon ayon sa resulta ng survey, nagsagawa ang Samahan ng signature campaign para: dagdag na suporta sa mga bata at pamilyang mahihirap para sa edukasyon ngayong pandemya; at paghahanda para sa unti-unting pagbubukas ng face to face classes sa mga lugar na walang COVID o low-risk. Nakakalap ng mahigit 150,000 lagda ang SNPP.

Nagkaroon ng online training tungkol sa Voters Education Facilitation noong July 20, 2021. May 30 na bagong leaders mula sa iba’t ibang SNPP areas ang lumahok sa Quezon City para sa pagpapalalim ng kaalaman sa halaga ng demokratikong partisipasyon komunidad at pagpapadaloy sa komunidad ng political education.

Nakikipagtulungan ang SNPP sa iba’t ibang inisyatibo at organisasyon para sa suporta sa adbokasiya, kapasidad, at kinabukasan ng organisasyon, at sa patuloy na pagbibigay ng suporta sa mga pamilyang apektado ng community lockdown at mga kalamidad.

Silipin ang mga gawain at ugnayan dito:

Alinsunod sa mga pangkalusugan at pangkaligtasang patakaran dahil sa pandemya, nagpatuloy pa rin ang mga townhall meetings talakayin ang human rights, COVID-19 vaccine, voters education, youth voters registration, nang may kabuuang 5,175 na participants ang dumalo.

Kasalukuyang may kabuuang 23,325 na indibidwal ang dumalo sa mga pulong bahay tungkol sa social, health, political at pang-ekonomiyang mga isyu. Ang mga pagpupulong ay naisagawa sa pamamagitan ng neighborhood meetings. Mayroon nang 551 community human rights advocates ang SNPP.